கள்ளழகர் கோயில் அர்ச்சகர் அழுகை! அனுமதிக்கு நன்றி!

இன்று மாலையில், திருமாலிருஞ்சோலை கள்ளழகர் கோயில் கள்ளழகர் உற்சவம் நடைபெற்றது.

இந்தியா முழுவதும் ஊரடங்கு உத்தரவானது அமலில் உள்ள காரணத்தால், இந்த ஆண்டு நடைபெற இருந்த சித்திரைத் திருவிழாவானது தடை செய்யப்பட்டது. இருப்பினும், ஐதீகத்திற்காக, மதுரை மீனாட்சி அம்மன் சுந்தரேஸ்வரர் கோயிலுக்குள்ளேயே, திருக்கல்யாண வைப நிகழ்ச்சி நடைபெற்றது.

இதே போல், அழகர் கோயில் கள்ளழகர் வைகை ஆற்றில் எழுந்தருளல் வைபவமானது தடை செய்யப்பட்டது. இருப்பினும், ஐதீகத்திற்காக இன்று மாலை 4.30 மணியளவில் மண்டூக மகரிஷிக்கு சாபம் தீர்த்தருளும் வைபம் மட்டும் நடைபெற்றது. அப்பொழுது, சுந்தர்ராஜ பெருமாள், பத்து அவதாரத்திலும் காட்சியளித்தார்.